gahunda y'itangazamakuru

Abarenga 30 barishwe n'intagondwa za ADF muri Repuburika ya demokarasi ya Kongo. Etiyopiya ivuga ko ifise umugambi wo gushira hamwe ibisirikare vyo mu ntara. Perezida Zelensky Yagendeye Polonye

Iwanyu mu Ntara (1100-1130UTC): Ni ikiganiro c’umwihariko, gishimikira ku makuru avugwa mu ntara zitandukanye z’Uburundi n’u Rwanda, kidasize inyuma ayavugwa mu makambi yahungiyemwo impunzi z’Abarundi muri Afurika y’ibiyaga binini n’Afurika y’ubuseruko.

Mu kiganiro Murisanga c’uyu musi, turafise umutumire w’imboneka rimwe yabaye kirangirwanwa mu Burundi no mu makungu kubera uruhara yagize mu mahiganwa mpuzamakungu y’ubwiza mu Bufaransa, hamwe no mu bikorwa vyo kugarukira imbabare mu bihugu bitandukanye, ahereye mu Burundi hamwe no muri Mali.

U Rwanda ruribuka ku nshuro ya 29 Jenoside yakorewe Abatutsi. Abantu 6 bagirizwa kwica uwahoze aserukira Ubutaliyano i Kinshasa muri Kongo baciriwe umunyororo wo guherayo.

Umuyobozi wa Ibuka Belgique arashima Abanyarwanda barokoye Abatutsi mu gihe ca jenoside. Muri Republika ya demokrasi ya Congo, Abana barega kuri 75 baramaze gupfa bitewe n’ikiza ca kolera n’agasama w’ikambi ya Rusayo iri mu teritware ya Nyiragongo. Papa Fransisiko, ntiyitabiriye inzira y’umusaraba.