gahunda y'itangazamakuru

Abantu 5 bahitanywe n’ikangu yaciye umuhanda uva Sake ujya Rubaya mu teritware ya Masisi. Leta zunze ubumwe z’Amerika irateganya gufatira ibihano abafite uruhare mu ntambara yo muri Sudani. Abantu bashaka kujya mu Bulayi banyuze iz’ubusamo muri Tuniziya bariyongera cyane

Imvura yateje inkangu mu karere k’Ibiyaga zahitanye abantu barenga 150 mu Rwanda, Uganda na Republika ya Demokrasi ya Kongo. Mu Rwanda, ubushinjacyaha burasabira abantu 42 bukekaho ibyaha byo kwigwizaho umutungo wa banki y’ubucuruzi gufungwa by’agateganyo iminsi 30.

Kubona amakuru ni uburenganzira bwa muntu nk'ubundi bwose bw'ibanze. Mbega byifashe bite mu Burundi? Abanyamakuru bafite ikibazo cyo kugera ku bakagombye kuyabaha kugirango nabo bayageze ku banyagihugu. Abanyamakuru bamwe kandi bakorera ku bwoba. Abandi barahunze.

Abantu barenga 100 bapfuye abandi baburirwa irengero nyuma y'imvura yaguye mu ntara ya Kivu y’epfo. Mu Buyapani habaye umutingito w’isi wahitanye umuntu ukomeretsa abandi 13. Polisi ya Serebiya yataye muri yombi umuntu bikekwa ko ari we wagabye igitero cyaraye gihitanye abantu bagera ku 8.

Bamwe mu bagizweho ingaruka n’imyuzure mu Rwanda, bavuga ko bibasiwe n’ibibazo birimo kubura amacumbi. Muri Sudani abarwanira ubutegetsi bakomeje gusakirana. Amerika itangaza ko ishobora gufatira ibihano icyo gihugu. Abacancuro ba Wagner, bazava mu mujyi wa Bakhmut muri Ukraine mu cyumweru gitaha.