gahunda y'itangazamakuru

Amakuru mu Gitondo (0330-0400 UTC): Amakuru agezweho mu Rwanda, mu Burundi, muri Afurika no hirya no hino kw’isi. Ijwi ry’Amerika kandi ribagezaho n’ibiganiro birambuye ku byabaye iwanyu aho mutuye, hafi y’aho mukorera ndetse no ku mashuri yanyu.

Keith Gilges wari ushinzwe ibikorwa muri Ambasade y'Amerika mu Burundi asaba U Rwanda n'Uburundi kuganira. Vital Kamerhe yatorewe kuyobora inteko nshingamategeko ya Kongo. Abanyarwandakazi bakorera itangazamakuru kuri murandasi babangamiwe n'amajambo abaca intege.

Tuganire na Nishimwe Solange, umwari ufite uburyo bwihariye bwo gukoresha imbuga mpuzambaga. Ategura udukuru tugufi dukomatanyije inganzo y’ubusizi, ikoranabuganga ryo kwegeranya amashusho, guhitamo no gukiranura amagambo bijyanye na muzika gakondo ibiherekeje. Byose bigatanga igihangano cyihariye

Amakuru y'Akarere (1600-1630 UTC): Amakuru atambuka i saa kumi n'ebyeri ku mugoroba mu Rwanda no mu Burundi. Akenshi, aya makuru yibanda ku karere k'ibiyaga bigari n'Afurika y'uburasirazuba.

Sosiyete sivile yo mu mujyi wa Uvira muri Kongo yakoze imyigaragambyo yo kwamagana kwinjira ku bwinshi kw’abacuruzi b’Abarundi. Ingabo za Israheli zagabye ibitero mu ntara ya Gaza. Naho ibihugu bikize, amafaranga biha ibikennye mu rwego rwo kubifasha kurwanya ihindagurika ry’ibihe birayisubiranira.