gahunda y'itangazamakuru

Umwe mu badepite b’Amerika araburira ko bishoboka ko umutekano w’igihugu waba uri mu kaga. Perezida Tayyip Erdogan wa Turukiya yatangaje ko yiteguye gufatanya na Misiri gusana akarere ka Gaza. Abahanga mu bumenyi bw’umugabane w’Aziya barasaba ko Ubushinwa bufatirwa ibihano bishya by'ubukungu.

Muri Kongo, abaturage bakomeje guhunga santere ya Sake kubera ubwoba baterwa n’imirwano hagati ya M23 n’ingabo za leta FARDC. Muri Canada, urwego rw’ubugenzacyaha rw’igihugu rurarega umupolisi witwa Eli Ndatuje kwibira amabanga Leta y’u Rwanda. Mu Burundi hadutse indwara y’amaso yandura cyane.

Murisanga (1400-1500 UTC): Murisanga itumira umutumirwa, cyangwa abatumirwa kugirango baganire n'abakunzi ba Radiyo Ijwi ry'Amerika. Aha duha ijambo abantu bifuza kuganira n'abatumirwa bacu, batanga ibisobanuro ku bibazo binyuranye bireba ubuzima bw'abantu.

Amakuru y'Akarere (1600-1630 UTC): Amakuru atambuka i saa kumi n'ebyeri ku mugoroba mu Rwanda no mu Burundi. Akenshi, aya makuru yibanda ku karere k'ibiyaga bigari n'Afurika y'uburasirazuba.

Abasirikare babiri b’Afrika y’Epfo bari mu ngabo za SADC bishwe n'igisasu hafi y'umujyi wa Goma muri Kongo. Mu banyamakuru bishwe bari mu kazi muri 2023, abarenga 70 % ni Abanyapalestina. Inama y'umuryango w'ubumwe bw'Afrika izaganira ku buryo umugabane wavuga rikumvikana mu ruhando rw’amahanga. .